22 Ապրիլ 2025-ի կէսօրէ ետք ժամը 4-ին, Քեպէգ քաղաքի Կոմիտաս Վարդապետի կիսանդրիին դիմաց, տեղի ունեցաւ Կոմիտաս Վարդապետի յիշատակի ոգեկոչում եւ ծաղկեպսակի զետեղում՝ Քեպէգի Հայ Համայնքի Միացեալ մարմնին կողմէ:
Հոգեւոր հայրեր՝ Գերշ. Տէր Բաբգէն Արք. Չարեան, Հոգշ. Տէր Յակոբ Վրդ. Եագուպեան, Արժ. Տէր Կոմիտաս Քհն. Ամիրխանեան եւ Արժ. Տէր Գաբրիէլ Քհն. Վարդանեան հոգեհանգստեան աղօթք մատուցեցին, որմէ ետք տիկ. Սեդա Թելեան ասմունքեց «Ահաւոր բան մը այնտեղ» բանաստեղծութիւնը։