Գանատայի հայոց թեմին ու Միացեալ Նահանգներու Արեւելեան ու Արեւմտեան հայոց թեմերուն տուած իր հովուապետական այցելութեան առաջին հանգրուանին, Ն.Ս.Օ.Տ.Տ. Արամ Ա. Կաթողիկոս այսօր, Չորեքշաբթի, 15 Հոկտեմբեր 2025-ին, ժամանեց Մոնթրէալ (Գանատա): Օդակայանին մէջ Նորին Սրբութիւնը ընդունուեցաւ թեմի առաջնորդ սրբազանին՝ Գերշ. Տ. Բաբգէն Արք. Չարեանի, Ազգային Կեդրոնական Վարչութեան անդամ Տոքթ. Ժիրայր Պասմաճեանի, Ազգային Վարչութեան անդամներուն, հոգեւոր դասուն եւ համայնքային կառոյցներու ներկայացուցիչներուն կողմէ:
Օդակայանի պատուոյ սրահին մէջ առաջնորդ սրբազանը յանուն թեմին ողջունեց Նորին Սրբութեան ժամանումը։ Այսօր Գանատայի Հայոց թեմը հոգեւոր խանդավառութեան մէջ է` պատիւ ունենալով ընդունելու Հայոց Հայրապետը, այս անգամ տօնական մթնոլորտով նշելու Նորին Սուրբ Օծութեան 30֊ամեայ գահակալութիւնն ու օծումը, ըսաւ ան։
Ապա, Վեհափառ Հայրապետը իր օրհնութիւնը տուաւ ներկաներուն՝ մաղթելով յաջողութիւն անոնց ազգաշէն ու եկեղեցանուէր ծառայութեան մէջ: Նորին Սրբութիւնը հայրական սիրոյ ու Աստուածային օրհնութեան մաղթանքներ ուղղեց նաեւ թեմի ժողովուրդին:
Ապա, նոյն երեկոյեան, Վեհափառ Հայրապետին իջեւանած պանդոկին մէջ ընթրիք մը սարքուեցաւ։ Նորին Սրբութեան սեղանակից դարձան առաջնորդ սրբազանը, հոգեւորականաց դասը եւ ազգային վարչութեան անդամները։
— — —
HIS HOLINESS CATHOLICOS ARAM I ARRIVES IN MONTREAL
On Wednesday, October 15, 2025, His Holiness Catholicos Aram I arrived in Montreal, marking the first stop on his Pontifical Visit to the Armenian Prelacy of Canada and the Eastern and Western Armenian Prelacies of the United States.
At the airport, His Holiness was greeted by the Prelate of the Diocese, H.E. Archbishop Papken Tcharian; Dr. Jirayr Basmajian, a member of the National Central Council; members of the Diocesan Executive Council; the clergy; and representatives of the community organizations.
In the airport’s VIP lounge, the Prelate welcomed Catholicos Aram I. His Holiness then offered blessings to the spiritual and community leaders, wishing them success in their service to the church and community.
That evening, a dinner was held in honor of His Holiness, attended by the Prelate, clergy, and members of the executive committee.