Կիրակի, 25 Մայիս 2025-ի առաւօտ, Առաջնորդ Սրբազան Հայրը, ընկերակցութեամբ` Հոգշ. Տ. Յակոբ Վրդ. Եագուպեանի եւ Արժ. Տաթեւ Ա. Քհն. Միքայէլեանի, այցելեց եկեղեցւոյս Կիրակնօրեայ դպրոցի աշակերտութիւնը:
Սրբազան Հայրը դիմաւորուեցաւ դպրոցի տնօրէնուհիին, ուսուցչական կազմին եւ աշակերտութեան կողմէ:
Առաջնորդ Սրբազան Հայրը իր քաջալերական խօսքը արտասանեց եւ գնահատեց պատասխանատուներուն կողմէ կատարուած կրօնաբարոյական դաստիարակութիւնը:
Աւարտին, փոքրիկները մանկական հարցումներ ուղղեցին. Սրբազան Հայրը ամենայն ուրախութեամբ պատասխանեց բոլորին հարցումներուն: